USD87.45EUR96.10RUB1.06
24.kg

Ала-Арчада жоголуп кеткен атасы менен кызынын сөөгү табылды

09:41, 07 августа 2023, Бишкек - 24.kg

3-августта Ала-Арчада жоголуп кеткен атасы менен кызынын сөөгү табылды. Бул тууралуу Facebook баракчасында Улуттук коопсуздук кеңеши билдирди.

Ала-Арчада жоголуп кеткен атасы менен кызынын сөөгү табылды

Борис Михайловдун сөөгү 6-августта Ала-Арча дарыясында табылган. Аны болжол менен саат 15:30 алып чыгышып, милиция кызматкерлерине өткөрүп беришти.

Бираздан кийин ӨКМдин куткаруучулары дарыядан анын 8 жаштагы кызы Руфинанын сөөгүн табышып, ИИМдин кызматкерлерине өткөрүп беришти.

Издөө иштерине ӨКМдин жарандык коргонуу адистерин даярдоо жана кайра даярдоо борборунун беш куткаруучусу, мекеменин Ысык-Ата районундагы куткаруу кызматы жана маркумдардын 15 тууганы тартылган.

Эске салсак, 3-августта Ала-Арча капчыгайында альплагердин аймагында Борис Михайлов кызы Руфина менен жоголуп кетишкен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18