USD87.45EUR96.10RUB1.06
24.kg

Баңгизат колдонуучу көмүскө жайды уюштурган жаран кармалды

11:41, 03 августа 2023, Бишкек - 24.kg

Баңгизат жана психотроптук заттарды колдонуу үчүн көмүскө жайды уюштурган жаран кармалды. Бул тууралуу Ички иштер министрлигинин басма сөз кызматы билдирди.

Маалыматка ылайык, 2023-жылдын май айында Сузак районунун аймагындагы Ош-Бишкек жолунун боюнда жайгашкан мейманканалардын биринде сексуалдык кызмат көрсөтүү менен баңгизат жана психотроптук каражаттарды колдонуу үчүн жай уюштурулгандыгы тууралуу маалымат түшкөн.

Аталган факт боюнча Кылмыш-жаза кодексинин 160-беренеси «Сойкулукка жана ыпластыкка көмөктөшүү» менен кылмыш иши козголгон.

Тергөө иштеринин жүрүшүндө бул кылмышка шектүү 30 жаштагы Т. жараны кармалып, Сузак РИИБнин убактылуу кармоочу жайына киргизилди. Учурда кылмышка тиешеси бар башка адамдарды аныктоо иштери жүрүп жатат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18