USD87.45EUR96.10RUB1.06
24.kg

Кыргызстан Кытайда өтө турган ЭКСПО көргөзмөсүнө катышат

11:08, 02 августа 2023, Бишкек - 24.kg

Кыргызстан 17-августтан 21-августка чейин Синьцзянь Уйгур автономдук облусунда жана Үрүмчү шаарында өтө турган ЭКСПО көргөзмөсүнө катышат. Бул тууралуу Экономика жана коммерция министрлигинин басма сөз кызматы билдирди.

Кыргызстандын павильонунда 30 айыл чарба, тамак-аш, жеңил өнөр жай ишканаларынын, ошондой эле курулуш материалдарынын жана башка 140тан ашык продукциясы көрсөтүлөт. Иш-чарага өлкөнүн 80ден ашык бизнес өкүлдөрүнүн катышуусу пландалууда.

Ошондой эле, иш-чаранын алкагында энергетика, туризм тармагындагы инвестициялык долбоорлор, Кыргызстандын экспортко багытталган улуттук компанияларынын мүмкүнчүлүктөрү тууралуу айтылат.

Мындан тышкары, кыргыз-кытай бизнес-форумун өткөрүү пландалып, ага Кытай Эл Республикасынын мамлекеттик жогорку даражалуу адамдары жана бизнес чөйрөсүнүн негизги өкүлдөрү катышары да кошумчаланды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18