USD87.45EUR96.10RUB1.06
24.kg

Өзбекстан Конституциясынын жаңы редакциясы күчүнө кирди

16:45, 02 мая 2023, Бишкек - 24.kg

Өзбекстандын Борбордук шайлоо комиссиясы 30-апрелдеги референдумда кабыл алынган Конституция күчүнө киргенин жарыялады.

БШКнын маалыматына караганда, тиешелүү мыйзам 2023-жылы 1-майда күчүнө кирди.

Мурдараак Боршайком жекшембиде өткөн референдумга шайлоочулардын 84,54 пайызы катышканын, алардын 90,21 пайызы жаңы Конституция үчүн добуш бергенин билдирген.

Баш мыйзамдын 106-беренесине ылайык, президенттик мөөнөт эми беш жылдан жети жылга узартылат. Муну менен президент Шавкат Мирзиёев дагы эки жылдык мөөнөткө шайлана алат.

2016-жылы бийлике келген Мирзиёев 2021-жылдын ноябрында ошол учурдагы Конституцияга ылайык, экинчи мөөнөткө шайланган. Анын азыркы мөөнөтү 2026-жылы аякташы керек эле.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18