USD87.45EUR96.10RUB1.06
24.kg

Орусияда өрттөн үч өзбек жараны набыт болду

16:12, 18 апреля 2023, Бишкек - 24.kg

Орусиянын Томск облусунда өрт чыгып, өзбекстандык үч жаран набыт болду. Бул тууралуу Vtomske басылмасы билдирди.

Маалыматка караганда, өрт 15-апрелге караган түнү Асино шаарындагы жыгач үйдөн чыккан. Өрттү өчүрүүгө келген куткаруучулар турак жайдан 48, 34 жана 21 жаштагы кишилердин сөөгүн табышкан. Алардын баары Өзбекстандын жарандары экени аныкталган.

Бул окуядан кийин Асино шаарындагы «Стройдоммонтаж-М» ишканасында иштеген 43 жаштагы жаран кармалган. Өзбек мигранттарына үйүн ижарага берген жаран үйдө өрт коопсуздугун камсыз кылган эмес деп айыпталууда.

Тергөөчүлөр ага «Эки же андан көп кишини өлүмгө кириптер кылган өрт коопсузугунун эрежелерин бузуу» беренеси боюнча айып тагышты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18