USD87.45EUR96.10RUB1.06
24.kg

Мас абалында рулга олтурган Ысык-Көл облустук сотунун судьясы кызматтан кетти

17:37, 24 марта 2023, Бишкек - 24.kg
Ысык-Көл облусунун Административдик сотунун судьясы Жеңишбек Барынбаев кызматтан кетүүгө арызын жазды. Бул тууралуу Жогорку сот билдирди.
 
Бүгүн Жогорку соттун төрагасы Замирбек Базарбеков кеңешме өткөрдү. Анда Каракол шаарында жакында болгон окуянын бардык жагдайларын, ошондой эле Бишкек шаарынын Ленин райондук сотунун судьясы Урмат Калыбековдун процесстин тараптарынын бирине соттун аныктамасын бербегендигине байланыштуу маселе каралды.
 
Кеңешмеде Ысык-Көл облусунун Административдик сотунун судьясы Жеңишбек Барынбаев менен Бишкек шаарынын Ленин райондук сотунун судьясы Урмат Калыбеков өз каалоолору менен судьялык кызматтан кетүү туурасында арыздарын беришти. Судьялар сот бийлигинин беделине көлөкө түшүргөн аракеттерге барганын моюнга алышты.
 
Ошондой эле, кеңешменин жыйынтыгында Каракол шаардык сотунун судьясы Азамат Абдираевге карата сот адилеттигин ишке ашырууда одоно мыйзам бузууга жол бергендигине байланыштуу тартиптик жаза чарасын көрүү жөнүндө сунуштаманы Кыргыз Республикасынын Судьялар кеңешине жөнөтүү чечими кабыл алынды.
 
Белгилей кетсек, Жеңишбек Барынбаев 8-март күнү мас абалында кармалган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18