USD87.45EUR96.10RUB1.06
24.kg

Казакстанда 3 миңден ашык этникалык казак кандаш макамын алды

16:20, 13 марта 2023, Бишкек - 24.kg

Казакстанда 2023-жылдын башынан бери үч миңден ашык этникалык казак кандаш макамын алды. Бул тууралуу өлкөнүн Эмгек жана социалдык коргоо министрлиги билдирди.

Мекеменин маалыматына караганда, 1-мартка карата 3 134 этникалык казак тарыхый мекенине кайтып келип, кандаш макамын алды. Алардын 50% Өзбекстандан, 16,3% Кытайдан, 15,9% Орусиядан, 8,4% Түркмөнстандан, 4,5% Монголиядан жана 4,9% башка өлкөлөрдөн келген.

Казакстандын Эмгек жана социалдык коргоо министрлиги 2022-жылдын соңунда тарыхый мекенине 18 миңге жакын этникалык казак кайтып келип, кандаш макамын алганын билдирген.

Ноябрдын аягында өкмөт 2023-жылдан тарта Казакстандын жарандыгын алуу үчүн пилоттук режимде мамлекеттик тилди билүү сынактарын өткөрүү пландалып жатканын кабарлаган. Аны алгачкылардан болуп документтеринде улуту көрсөтүлбөгөн этникалык казактар тапшырышы керек болот.

Расмий статистикага ылайык, 1991-жылдан бери өлкөгө кайтып келген этникалык казактардын саны 1 миллион 110,1 миңге жетти.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18