USD87.45EUR96.10RUB1.06
24.kg

Өзбекстанда 1-марттан тарта Аи-80 үлгүсүндөгү бензиндин баасы жогорулайт

09:52, 28 февраля 2023, Бишкек - 24.kg

Өзбекстанда 1-мартта Аи-80 үлгүсүндөгү импорттук жана жергиликтүү бензинге коюлган нөлдүк акциз ченинин мөөнөтү аяктап, аталган күйүүчү майдын баасы жогорулайт. Бул тууралуу «Өзбекмунайгаз» компаниясынын басма сөз кызматы кабарлады.

Өткөн жылы 10-декабрда газ толтуруу жайларынын ишине киргизилген чектөөлөргө жана бензинге болгон суроо-талаптын өскөнүнө байланыштуу президенттин жарлыгы менен Аи-80 үлгүсүндөгү жергиликтүү жана импорттук бензин үчүн акциздик салык убактылуу жокко чыгарылган. Өзбек өкмөтүнүн бул чарасына чейин Аи-80 бензининин бир тоннасынын биржадагы орточо баасы 8,09 миллион сумду түзүп турса, 10-декабрдан кийин ал 6,29 миллион сумга чейин төмөндөгөн.

«Өзбекмунайгаздын» басма сөз кызматы 1-марттан тарта бир тонна жергиликтүү Аи-80 бензининин биржадагы старттык баасы 6,86 миллион сумду, импорттук бензиндики 8,036 миллион сумду түзөрүн, биржалык соодалашуунун жыйынтыгында бул баалар орточо 8,15 миллион сумга жетерин билдирди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18