USD87.45EUR96.10RUB1.06
24.kg

Бишкекте таза суу менен канализацияга төлөм акы көтөрүлөт

13:27, 03 февраля 2023, Бишкек - 24.kg

Бишкекте таза суу менен канализацияга төлөм акысы көтөрүлөт. Бул тууралуу токтом долбоору Бишкек шаардык кеңешинин сайтында коомдук талкууга коюлду.

Ага ылайык ичүүчү сууга жарандар үчүн 10,45 сом (азыр 8,10 сом) болот. Бюджеттик мекемелер — 12,95 сом (азыр 9,10 сом), башка керектөөчүлөр — 18,50 сомду (азыр 13 сом) түзөт.

Саркынды сууга (канализация) акы шаар тургундары үчүн 2,3 сомдон 3,45 сомго кымбаттайт.

Көп батирлүү турак үйлөрдүн үй ичиндеги жалпы пайдалануудагы cуу түтүк-канализациялык тармактарын техникалык тейлөөгө жаңы тарифтер сунушталууда. Бир чарчы метр жалпы аянт үчүн бир жылга 15,10 сом өлчөмү каралууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18