USD87.45EUR96.10RUB1.06
24.kg

Токаев Сенат төрагасы Маулен Ашимбаевди кызматтан алды

11:04, 25 января 2023, Бишкек - 24.kg

24-январда Казакстандын президенти Касым-Жомарт Токаев Маулен Ашимбаевди Сенат төрагасы кызматынан алды. Бул тууралуу Акордонун сайты кабарлады.

Маулен Ашимбаев бул кызматка 2020-жылы май айында дайындалган. Ал кезде президенттик администрациянын башчысынын орун басары болуп иштеп жаткан Ашимбаев Сенат төрайымы Дарига Назарбаеванын депутаттык ыйгарым укуктары токтотулгандан кийин мандат алып келген.

Токаевдин 24-январдагы жарлыгы менен Маулен Ашимбаев баштаган дагы үч эл өкүлү кайрадан депутат болуп дайындалды. Мындан тышкары тогуз депутаттын ыйгарым укуктары токтотулуп, Сенатка жаңы келген төрт жаран депутаттык мандат алды. Алардын арасында Жогорку соттун мурдагы башчысы Жакип Асанов да бар.

Казакстанда Сенат депутаттарын шайлоо 14-январда өткөн. Анда өлкөнүн 17 облусунан, ошондой эле Астана, Алматы жана Чымкент шаарларынан 20 депутат тандалган. Бул шайлоого жалпысынан 130 жаран талапкерлигин коюп, БШК алардын 55ин каттаган. Сенатка кыйыр шайлоо салттуу түрдө өттү: жаңы эл өкүлдөрүн тандоочулардын тизмесине кирген үч миңден ашык жергиликтүү маслихат депутаттары шайлады.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18