USD87.45EUR96.10RUB1.06
24.kg

Майлуу-Сууда бала бакчалар жабылып, мектептер онлайн окууга өттү

17:12, 16 января 2023, Бишкек - 24.kg

Майлуу-Сууда суу түтүктөрү тоңуп калып, суу атайын техника менен ташылып, шаар тургундарына берилүүдө.

Жылуулук жана таза суу менен камсыздоо үзгүлтүккө учураганына байланыштуу Майлуу-Суу шаарындагы мектептер онлайн окууга өтүп, бала бакчалар убактылуу жабылды. Бул тууралуу Билим берүү жана илим министрлигинин басма сөз кызматы 16-январда билдирди.

Мындай чечим шаардагы жылуулук жана таза суу менен камсыз кылуу иштери аяктаганга чейин күчүндө болот.

Майлуу-Сууда 12-январда катуу сууктун айынан суу түтүктөрү тоңуп, жылуулук берүү жана суу менен камсыз кылуу үзгүлтүккө учураган.

Шаардын бийлиги 14-январдан тарта отказандардын бири ишке киргизилип, жылуулук маал-маалы менен бериле баштаганын кабарлады.

Таза суу азырынча автоунаалар менен ташылып, таратылып жатат.

Майлуу-Суу шаарында жети мектеп бар, 4512 окуйт. Ал эми жети бала бакчада 878 бала тарбияланат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18