USD87.45EUR96.10RUB1.06
24.kg

Орусия Украинадан кеминде 1 миллиард долларга бааланган буудайды чыгарып кеткен

10:07, 05 декабря 2022, Бишкек - 24.kg

Орусия Украинадан кеминде 1 миллиард долларга бааланган буудайды чыгарып кеткен. Бул тууралуу Bloomberg агенттиги NASA Harvest’ке (АКШ космикалык агенттигинин эл аралык азык-түлүк коопсуздугуна багытталган долбоору) шилтеме кылып кабарлады.

Маалыматка караганда, Украинанын Орусия көзөмөлдөп турган аймактарында болжол менен буудайдын 6 миллион тонна түшүмү жыйналган. Учурда орус аскерлери украин данынын дээрлик төрттөн бир бөлүгү эгилген аймакты ээлеп турушат. Москва ал аймактарды быйыл октябрдын башында аннексиялаганын жарыялаган.

Украинанын оккупацияланбаган аймагында быйыл 26 миллион тоннадан ашык буудай жыйналган. Бул алгач божомолдонгондон кыйла көп.

Иликтөөдө айтылгандай, Орусиянын кемелери Украинадан жүктөп чыккан эгин түрдүү өлкөлөргө, анын ичинде Ливия менен Иранга экспорттолгон. Бирок орус тарап буудайдын кайсыл жерде жүктөлгөнүн жашырууга аракет кылып жаткандыктан, анын көлөмүн эсептеп чыгуу оорчулук жаратууда.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18