USD87.45EUR96.10RUB1.06
24.kg

КР Эл артисти Жамал Сейдакматовага эстелик орнотулду

13:37, 30 ноября 2022, Бишкек - 24.kg

КР Эл артисти, Токтогул Сатылганов атындагы мамлекеттик сыйлыктын лауреаты Жамал Сейдакматованын эстелиги орнотулду. Бул тууралуу маданият, маалымат, спорт жана жаштар саясаты министрлигинен кабарлашты.

Эстеликтин ачылышында Жамал Сейдакматованын «Кыргыз керемети» аталган кыргыз кинолорунда бир катар ролдорду зор чеберчилик менен аткарып, кыргыз кино жаатын өнүктүрүүгө кошкон салымы, бүтүндөй өмүрүн театрга арнаган өрнөктүү өмүрү эскерилди.

Жамал Сейдакматова 1939-жылдын 21-сентябрында Ысык-Көл районунун Темир айылында туулган. Актрисанын таланты 1958-жылы тартылган «Алыскы тоолордо» көркөм тасмасында роль аткаруу менен кеңири таанылган. Ал өмүрүнүн акырына чейин улуу актриса катары талыкпай эмгек кылып келген.

Кыргыз сахнасында В. Шекспирдин «Азоого чалмада» Катарина, «Отеллодо» Дездемона, Ч. Айтматовдун «Кылым карытар бир күндө» Найман эне, Ж. Абдыкадыровдун «Олжобай менен Кишимжанда» Кишимжандын жана башка каармандардын образдарын мыкты жаратканы менен элдин эсинде калды.

Жамал Сейдакматова былтыр февраль айында 82 жашында дүйнө салган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18