USD87.45EUR96.10RUB1.06
24.kg

Жапырт камоолор. Камактагылар туугандары менен жолуга албай жатышат

14:19, 29 ноября 2022, Бишкек - 24.kg

Бийликти күч менен басып алууга даярданган деп айыпталып, тергөө абагына камакка алынгандарга жакындары менен жолугушууга уруксат берилбей жатат. Бул тууралуу Жогорку Кеңештин мурдагы депутаты Наталья Никитенко 24.kg ге кабарлады.

Анын айтымында, камактагы Асия Сасыкбаеванын бир тууганы аны менен жолугушууга аракет кылып, 4-ноябрда тергөөчүгө кат жазган. Бирок, тергөөчү баш тарткан жоопту 25-ноябрда гана жөнөткөн.

Буга чейин жарандык активист Перизат Сурановага дагы апасы менен жолугушууга уруксат берилген эмес. Түшүндүрмөдө, Перизат Суранова өтө оор кылмышка шектелип жаткандыктан, анын энеси менен жолугушуусу кооптуу деп айтылган.

Учурда БШКнын мурдагы мүчөсү Гүлнара Журабаеванын уулунун арызы каралууда.

Эскерте кетсек, 23-октябрда Кыргызстанда жапырт кармоолор башталып, массалык башаламан уюштурууга даярданган деп 26 киши камакка алынган.

Бир катар беделдүү эл аралык уюмдар кыргыз бийлигин камактагыларды бошотууга чакырган билдирүүлөрдү жасаган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18