USD87.45EUR96.10RUB1.06
24.kg

Сөз эркиндигин колдогон акция аяктады

18:22, 25 ноября 2022, Бишкек - 24.kg

Бишкекте сөз эркиндигин колдоо максатында REАкция деп аталган жөө жүрүш М.Горький атындагы эс алуу багында жыйынтыкталды. Активисттер акыркы убактагы камоолорду, Болот Темировдун Кыргызстандан чыгарылышын айыптап, нааразычылыктарын билдиришти.

 Акцияга келгендер сөз эркиндиги үчүн күрөштү азыртадан баштабаса, эртең кеч болуп калат деп жатышты.

 Бүгүн Бишкекте темир жол бекетинен башталган жөө жүрүш М.Горький эс алуу багында аяктады. Уюштуруучулар филармонияны көздөй барууну пландаган. Бирок, орто жолдон милиция кызматкерлери токтотуп, эс алуу багынан башка жерге тынч митингин өткөрүүгө сот тарабынан тыюу салынганын эскертишти. Жөө жүрүштүн катышуучулары багытты өзгөртүшкөн.

 23-ноябрь күнү Бишкек шаардык соту иликтөөчү журналист Болот Темировду Кыргызстандан чыгаруу чечимин кабыл алган. Ал ошол замат аэропортко жеткирилип, Россияга жөнөтүлгөн.  Анын алдында көптөгөн оппозициялык саясатчылар, активисттер камакка алынган. Бир катар эл аралык уюмдар буга кабатырлыгын билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18