USD87.45EUR96.10RUB1.06
24.kg

Курултайдын аксакалдар кеңешинин төрагасы болуп Кадыр Кошалиев шайланды

10:54, 25 ноября 2022, Бишкек - 24.kg

Аксакалдар кеңешинин курамын шайлоодо талаш-тартыш жаралды. Курултайды алып барып жаткан Кемел Ашыралиев 20 кишинин фамилиясын окуп, аксакалдар кеңешинин курамын ачыктады. Бирок Нарындан келген делегат Асеин Аракеев кеңештин курамы 21 киши болушу керектигин айтып, өзүнүн талапкерлигин көрсөттү.

Буга жооп кайтарган Кемел Ашыралиев курамга 20 адам гана кирет, 21-киши жооптуу катчы экенин, аны кеңештин төрагасы сунуштайт деп жооп берди. Бирок, ал Нарындан келген делегат Асеин Аракеевдин шагы сынбасын деп анын талапкерлигин добушка салууну сунуштады. Бул маселе ачык бойдон калды.

Ал эми Кемел Ашыралиев батасын берип, алып баруучулукту кеңештин төрагасы Кадыр Кошалиевге өткөрүп берди.

Ал жооптуу катчыга талапкер сунуштап, 39 жаштагы юрист Саламат Кубандыков бир добуштан шайланды.

Учурда курултайда даректүү тасма көрсөтүлүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18