USD87.45EUR96.10RUB1.06
24.kg

Болот Темиров Кыргызстандан чыгарылат

15:20, 23 ноября 2022, Бишкек - 24.kg

Бишкек шаардык соту журналист Болот Темировду өлкөдөн чыгаруу чечимин кабыл алды. 

Бүгүн соттук териштирүүдө прокурор соттук коллегиядан Темировду күнөөлүү деп таап, Кыргызстандын жараны болбогондуктан өлкөдөн чыгаруу чечимин кабыл алууну суранган.

Болот Темировдун жактоочулары Свердлов райондук сотунун өкүмүн өзгөртүп, кылмыштын курамы жок болгондуктан толугу менен актоону суранышкан.  

Соттун чечими угузулган соң, Болот Темировду сот залынан күч менен чыгарып кетишти.

Эскерте кетсек, сентябрда Свердлов райондук соту Болот Темировго «Баңгизат каражаттарын колдонуу жана сактоо», «Мамлекеттик чек арадан мыйзамсыз өтүү» беренелери боюнча коюлган айыптарды четке кагып, аны актаган. Ал эми, документтерди жасалмалоо боюнча айыптуу деп таап, бирок эскирүү мөөнөтү өтүп кеткендигине байланыштуу жаза берилген эмес. 

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18