USD87.45EUR96.10RUB1.06
24.kg

Террористтик уюмдун мүчөлөрү кармалды

17:44, 22 ноября 2022, Бишкек - 24.kg

Бишкекте жана Жалал-Абад облусунда «Ислам мамлекети» эл аралык террористтик уюмунун 3 мүчөсү колго түштү. Үчөө тең Кыргызстандын жарандары. Бул тууралуу УКМКдан кабарлашты.

«Кармалган эки жаран башка мамлекеттин аймагынан «Ислам мамлекети — Хорасан вилаяты» эл аралык террористтик уюмунун катарында террордук аракеттер болгон аймактарга чыгышкан. Х.П. аттуу адам эки жарандын которулушун түздөн-түз координациялап, аларды акча жана чет мамлекеттин жасалма паспорттору менен бир нече өлкөнүн аймактары аркылуу тоскоолдуксуз жүрүүсүн камсыздаган», — деп билдирет УКМК.

Атайын кызматтын маалыматына караганда, Х.П. мурда террористтик ишмердүүлүгү үчүн Кыргызстанда соттолгон. Жазасын өтөп бүткөндөн кийин ал террористтик ишмердүүлүк болгон аймактарга жалданма адамдарды жөнөтүү боюнча мыйзамсыз ишин уланткан.

Кармалгандар УКМКнын тергөө абагына киргизилген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18