USD87.45EUR96.10RUB1.06
24.kg

Кыргызстан чыр-чатактын баардык түрүн саясый тынчтык жолу менен чечүүнү көздөйт

13:44, 11 ноября 2022, Бишкек - 24.kg

«Учурда дүйнөдөгү туруксуз кырдаал менен катар, аймактык коопсуздук маселелери алдыңкы планга чыгууда», — деп белгиледи Кыргыз Республикасынын Президенти Садыр Жапаров бүгүн Самарканд шаарында (Өзбекстан Республикасы) өтүп жаткан Түрк мамлекеттер уюмуна катышуучу-өлкөлөрдүн лидерлеринин Саммитинин тогузунчу жыйынында сүйлөгөн сөзүндө.

Мамлекет башчысы бүгүнкү Самиттин темасы «Түрк цивилизациясынын жаңы доору — жалпы өнүгүү жана өркүндөөгө карай бирге» деп аталарын белгиледи.

«Соңку эки-үч жылда, жер жүзүндө эл аралык маанидеги ар түрдүү чакырыктар пайда болду.
Учурда дүйнөдөгү туруксуз кырдаал менен катар, аймактык коопсуздук маселелери алдыңкы планга чыгууда.

Албетте, тынчсызданууну жараткан мындай абал биздин өлкөлөрүбүздөн тыгыз кызматташууну, өз ара сый-урматты күчөтүүнү жана аракеттерибизди бириктирүүнү талап кылат.

Кыргыз Республикасы чыр-чатактын кандай гана түрү болбосун тынчтык жолу жана жана саясий-дипломатиялык ыкмалар менен гана чечүү зарылдыгы боюнча өзүнүн өзгөрүлбөс позициясын карманарын дагы бир жолу ырастайм», — деп сөзүн жыйынтыктады Президент Садыр Жапаров.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18