USD87.45EUR96.10RUB1.06
24.kg

Аткезчилердин жүк ташуучу унаасы мамлекеттин кирешесине конфискацияланды

11:58, 29 августа 2022, Бишкек - 24.kg

Баткен райондук сотунун чечими менен Өзбекстандын Чоң-Гара анклавынан Кыргызстандын ЕАЭБ аймагына чыгууда кармалган Mercedes-Benz үлгүсүндөгү унаа мамлекеттин кирешесине конфискацияланды. Бул тууралуу Бажы кызматы билдирди.

Эске салсак, «Оперативдүү» бажысынын кызматкерлери КР УКМКнын кызматкерлери менен биргеликте КР жараны К.О.Н башкаруусундагы Mercedes-Benz үлгүсүндөгү унаа кармалган.

Маалыматка ылайык, унаанын жүк бөлүгүн текшерүү учурунда жалпы салмагы 5 миң кг, баасы 100 миң сомду түзгөн дарбыздар табылган. К.О.Н Өзбекстан Республикасынан КРдагы ЕАЭБдин аймагына бажы көзөмөлүнөн тышкары мыйзамсыз түрдө ташып келүүгө аракет кылган.

Аталган унаа кармалып, жагдайлар такталганга чейин Баткен шаарындагы убактылуу сактоочу кампанын аймагына жеткирилген.

К.О.Н аттуу жаранга карата 60 миң сом айып салынган. Товарлар 116 миң 865 сом өлчөмүндө эки эселенген бажы төлөмдөрүн алуу менен бажылык тариздөөдөн өткөн.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18