USD87.45EUR96.10RUB1.06
24.kg

Алты айда азык-түлүк коопсуздугун камсыздоого 8 миллиард сом бөлүндү

10:41, 15 июля 2022, Бишкек - 24.kg

Быйыл азык-түлүк коопсуздугун камсыздоого 8 млрд сом бөлүндү. Бул тууралуу министерлер кабинетинин төрагасы Акылбек Жапаров жыйында билдирди.

Анын айтымында, азык-түлүк коопсуздугун камсыз кылуу үчүн берилген жеңилдиктерден улам бюджетке 1,4 миллиард сом түшпөй калган.

«Биздин ички рынок импорттук товарлардан көз каранды. Азык-түлүктүн дүйнөлүк баасынын кымбатташы бизге да таасирин тийгизүүдө. Быйыл азык-түлүк коопсуздугун камсыздоого 8 млрд сом бөлдүк. Бир катар керектелүүчү товарлар кошумча нарк салыгынан бошотулду. Мындан улам мамлекеттик бюджетке 1 млрд 450 млн сомго жакын каражат түшпөй калды», — деп белгиледи Акылбек Жапаров.

Министрлер Кабинетинин 2022-жылга карата иш планында 650 иш-чара каралган.

«Биринчи жарым жылдыктын жыйынтыгы боюнча документ 73%га аткарылган. Алдыга коюлган милдеттерди аткара албаган министрлер жыл жыйынтыгы боюнча кызматтан алынат. Ченемдик укуктук актыларга инвентаризация жүргүзүлдү. Бири-бирин кайталаган жана карама-каршы келген мыйзамдар жана башка ченемдик укуктук актылар жоюлду. Биз парламентке 6114 токтомду, 1386 буйрукту күчүн жоготту деп табуу боюнча чечим киргиздик. Эми иштөө жана иштөө гана керек», — деди ал.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18