USD87.45EUR96.10RUB1.06
24.kg

COVID-19: Алматыда кайрадан беткап режими киргизилди

10:17, 13 июля 2022, Бишкек - 24.kg

Алматы акимчилиги шаарда COVID-19 жуктургандар көбөйгөнүнө байланыштуу жабык жайлар менен коомдук траспорттордо милдеттүү түрдө беткап режими киргизилгенин билдирди.

Мындан тышкары коронавирус аныкталган адам менен байланышта болгондордун жакындарын, ошондой эле ден соолугуна байланыштуу эмдөөдөн өтө албагандарды жана кош бойлуу аялдарды аралыктан иштөөгө өткөрүү талабы кирди.

Ошондой эле 10дон ашык киши катыша турган жыйындарды онлайн-форматта өткөрүү сунушу айтылды.

Акыркы бир сутканын ичинде Казакстанда COVID-19 жуктурган жаңы 482 учур катталды. Алардын 123чү Нур-Султан, 205и Алматы шаарында аныкталды.

Бүгүнкү күндө коронавирустун жайылуу темпи боюнча Алматы шаары «сары», калган шаарлар менен аймактар «жашыл» зонада.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18