USD87.45EUR95.90RUB1.07
24.kg

Өзбекстанда «Стелс-омикрон» аныкталды

11:18, 24 июня 2022, Бишкек - 24.kg

Өзбекстанда коронавирустун Stealth-Omicron BA.2 штаммы аныкталды. Бул вирустун эң жугуштуу түрү болуп эсептелет.

Бул тууралуу Өзбекстандын санитардык-эпидемиологиялык кызматынын башчысы Баходир Юсупалиев билдирди.
Анын айтымында, акыркы аптада коронавирус жуктургандардын саны бир аз көбөйдү. 20-июнда— 87, 21-июнда — 82, 22-июнда — 98 учур катталды.
«Бейтаптардын 67% кадимки «омикрон» штамы аныкталса, 33 % Stealth-Omicron BA.2 түрү байкалды», — деди Баходир Юсупалиев.
Ал акыркы эки жылдан бери июнь-август айларында вирус жуктургандардын саны бир аз көбөйүп жатканын белгиледи.
Ушул тапта «стелс-омикрон» бардык өлкөлөрдө тарап жатат. Дүйнөлүк саламаттык сактоо уюму муну тынчсыздануу жараткан вирус деп атап, өтө тез тарай турганын белгилеген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18