USD87.45EUR95.90RUB1.07
24.kg

Жалал-Абаддагы жарылуудан жабыркаган үч адамдын абалы оор

17:23, 30 мая 2022, Бишкек - 24.kg

Жалал-Абад шаарындагы темирди кайра иштетүүчү заводдун меши жарылып, жети адам жараат алды. Алардын үчөөнүн абалы оор. Облустук клиникалык ооруканасынын башчысы Кумар Ботокараев алар учурда жандандыруу бөлүмүндө жатканын билдирди.

Анын айтымында, ооруканага кайрылгандардын төртөө биринчи медициналык жардам алып, үйлөрүнө чыгып кетишкен. Ал эми абалы оор деп баалангандардын денелеринин 40, 80 жана 90 пайызы күйгөнү айтылды.

Азырынча кырсыктын себептери жана зыяны тактала элек.

Жалал-Абад шаарындагы кыргыз-кытай биргелешкен темирди кайра иштетүүчү заводду жергиликтүү бийлик бош турган ишкананы өндүрүш базасы менен камсыз кылып, кытай инвестору 114 миллион сом инвестиция салган. Анда 65 адам иштейт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18