USD87.45EUR95.90RUB1.07
24.kg

Путин: Европа санкцияларды алса, Орусия дан экспорттоого даяр

09:28, 27 мая 2022, Бишкек - 24.kg

Батыш Украинадагы согушка байланыштуу киргизилген санкцияларды алып таштаса, Орусия дүйнөлүк азык-түлүк каатчылыгын жеңүүгө үлүшүн кошууга даяр.

Бул тууралуу Орусия президенти Владимир Путин 26-майда Италиянын премьер-министри Марио Драги менен телефон аркылуу сүйлөшкөндө билдирди.

Reuters кабарлагандай, тараптар Украинадагы абалды, азык-түлүк каатчылыгын жана анын жакыр өлкөлөргө тийгизген таасирин талкуулашты. Владимир Путин эгер шарттар аткарылса, Орусия дан жана жер семирткич экспорттоого даяр экенин белгиледи.

Кремлдин билдиришинче, Путин Марио Драгиге «Азов деңизи менен Кара деңиздеги порттордон чыга турган жарандык кемелердин коопсуздугун камсыздоо үчүн чара көрүлүп жатканын, бирок буга украин тарап тоскоолдук жаратып жатканын» айтты.

Мындан тышкары орус президенти Марио Драгиге үзгүлтүксүз газ берүүгө кепилдик берген.

АКШнын Мамлекеттик департаменти кабарлагандай, согушка чейин дүйнөлүк рынокто буудай жеткирүүнүн 30 пайызын Орусия менен Украина камсыздап турган.

«Жетилик тобу» өлкөлөрү Орусия дан рыногундагы абалды «гибриддик согуш» инструменти катары пайдаланууда. БУУ мартта азык-түлүк 12 пайыздан ашык кымбаттаганын белгилеген. Бул 1990-жылдан берки рекорд болуп калды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18