USD87.45EUR95.90RUB1.07
24.kg

Студенттерге жасалма электрондук виза саткан Өзбекстан жараны кармалды

17:36, 16 мая 2022, Бишкек - 24.kg

Студенттерге жасалма электрондук виза саткан Өзбекстан жараны кармалды. Бул тууралуу УКМКнын басма сөз кызматы билдирет.

Маалыматка ылайык, Кылмыш-жаза кодексинин «Документтерди жасалмалоо» беренеси боюнча кылмыштын негизинде 2022-жылдын 11-майында козголгон кылмыш иштин алкагында, Ош шаарындагы жогорку окуу жайларда окуган студенттерге — Өзбекстан жарандарына Кыргыз Республикасынын жасалма студенттик электрондук визаларын жана каттоо талондорун системалуу түрдө жасап, сатып жүргөн Өзбекстан жараны А.Ш.Р.дын кылмыштуу ишмердүүлүгү аныкталып ага бөгөт коюлду.

Ушул жылдын 12-майында Жазык-процесстик кодексинин 96-беренесинин негизинде КР УКМК тергөө камак жайынын убактылуу кармоочу жайына киргизилди, ошол эле учурда Ош шаардык соту айыпталуучуга карата 2 айга камакка алуу түрүндөгү баш коргоо чарасын карады.

Учурда бардык керектүү тергөө иш-чаралары жүргүзүлүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18