USD87.45EUR95.90RUB1.07
24.kg

8 тоннадан ашуун сүттү дарыяга төккөн адам аныкталды

13:30, 02 мая 2022, Бишкек - 24.kg

Милиция Чүй облусунда сегиз тоннадан ашык сүттү дарыяга төккөн кишинин тек-жайын тактады. Облустук ички иштер башкармалыгынын басма сөз кызматы ал Сокулук районунун 30 жаштагы тургуну экенин билдирди.

Баштапкы маалыматтарга ылайык, сүт ташуучу унаанын айдоочусу 30-апрелде Жаңы-Жер жана Жогорку Чүй айылдарынан чогултулган сүттү тийиштүү талаптарга жооп бербегендиктен сүт алуучу ишканага тапшыра алган эмес. 1-майда сүттү дарыяга төгүп, аны видеого тартып кардарларга жөнөткөн. Милиция сүт кабыл алуучу ишканалар менен сүйлөшүү жүргүзүлгөнүн, териштирүү уланып жатканын кабарлады.

Министрлер кабинетинин төрагасынын орун басары Бакыт Төрөбаев да бул окуя тууралуу Фейсбукка жазып, сүттү кайра иштетүүчү «Үмүт жана Ко» жана «Ак Сүт» ишканаларында текшерүү башталганын белгиледи.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18