USD87.45EUR95.90RUB1.07
24.kg

Бостеридеги аквапаркта каза болуу боюнча кылмыш иши токтотулду

10:16, 11 апреля 2022, Бишкек - 24.kg

2021-жылы Ысык-Көлдүн Бостери айылындагы эс алуу жайында катталган адам өлүмүнө байланыштуу кылмыш иши кыскартылды. Бул тууралуу Ысык-Көл райондук сотунун басма сөз кызматы билдирди.

«Кылмыш иши тараптардын жарашуусунун негизинде токтотулуп, айыпталуучу менен жабырлануучунун мыйзамдуу өкүлүнүн ортосунда келишим түзүлгөн. Соттун аныктамасы тараптар тарабынан даттанылган эмес жана мыйзамдуу күчүнө кирди», — деп айтылат маалыматта.

Соттун токтому өткөн жылы 20-декабрда кабыл алынган.

2021-жылы 27-июлда «Дельфин де Люкс» эс алуу борборунун көл жээгинде жайгашкан аквапаркына суу толтуруп жаткан учурда диаметри 50 сантиметрлик түтүк ошол учурда көлгө түшүп жаткан 18 жаштагы жигитти соруп кеткен.

Эс алуу борборунун жетекчиси Айдар Текебаевге эки кылмыш иши козголгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18