USD87.45EUR95.90RUB1.07
24.kg

Депутат: Доллардын баасы түштү, бирок азык-түлүктүн баасы арзандабай кала берди

14:48, 30 марта 2022, Бишкек - 24.kg

Доллар калыбына түштү, бирок азык-түлүктүн баасы арзандабай кала берди. Бул тууралуу бүгүн, 30-мартта Жогорку Кеңештин жыйынында депутат Нуржигит Кадырбеков айтып чыгып, министрлер кабинетине Монополияга каршы жөнгө салуу агенттигине азык-түлүктүн баасын төмөндөтүү боюнча тапшырмаларды берүүнү сунуштады.

Кадырбеков доллар көтөрүлдү деп товарлардын баасы чукул кымбаттаганын айтты.

«Биринчи кезекте азык-түлүктүн баасы көтөрүлдү. 105 сомго чыккан доллар, кайра мурдагы 85 сом деңгээлиндеги калыбына түштү, бирок азык-түлүктүн баасы арзандабай кала берди. Монополияга каршы агенттикке базарды көзөмөлдөөгө тапшырма бергиле. Эмне үчүн бааны көтөргөндө бат көтөрүшөт, бирок доллар түшкөндө арзандатышты унутуп калышат», — деди депутат.

Эске салсак, 30-мартка карата Кыргызстандын айрым банктарында доллардын сатып алуу курсу 83.5 сомго чейин төмөндөсө, көпчүлүк банктарда жана акча алмаштыруучу жайларда 84-84.7 сомду түзүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18