USD87.45EUR95.90RUB1.07
24.kg

Кыргыз улуттук драма театры оңдоо иштеринен кийин ачылды

11:04, 28 марта 2022, Бишкек - 24.kg

Кыргыз улуттук драма театры оңдоо иштеринен кийин ачылды. Бул тууралуу Маданият министрлигинин маалымат кызматы билдирди.

Ага ылайык, Токтоболот Абдумомунов атындагы Кыргыз улуттук академиялык драма театры 95- сезонду Жалил Садыковдун ( «Манастын уулу Семетей» драмасынын негизинде) «Төлгө» спектакли менен ачты.

Жаңы сахналаштырылган спектаклге мамлекеттик катчысы Сүйүнбек Касмамбетов, министрлер кабинетинин төрагасынын орун басары Эдиль Байсалов, Маданият, маалымат, спорт жана жаштар саясаты министри Азамат Жаманкулов, коомдук ишмерлер, өнөр адамдары жана кеңири коомчулук катышты.

Борбордун так ортосунда жайгашкан академиялык драма театры 2019-жылдын күз айларында оңдоп-түзөөгө жабылган. Ал үчүн өкмөт 84 млн сомдон ашуун каражат бөлгөн. 2021-жылы сентябрь айында театрдын оңдоо иштерин бүтүрүү үчүн республикалык бюджеттен кошумча 44 миллион 722 миң 900 сом бөлүнгөнүн Маданият, маалымат, спорт жана жаштар саясаты министрлиги билдирген.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18