USD87.45EUR95.90RUB1.07
24.kg

Кыргызстан Казакстандан чек араны ачууну өтүндү

15:33, 16 марта 2022, Бишкек - 24.kg

Кыргызстандын Тышкы иштер министри Руслан Казакбаев Казакстандын Кыргызстандагы элчиси Рапил Жошыбаев менен жолукту. Сүйлөшүүлөрдүн негизги темасы кыргызстандыктар үчүн жабык турган чек ара бекеттерин ачуу маселеси болду.

Ушул тапта Кыргызстан жарандары коңшу өлкөгө учак аркылуу гана каттай алышат. Ошол эле маалда казакстандыктар Кыргызстандын аймагына ээн-эркин киришет, алар үчүн чек ара өткөрмө бекеттеринде эч кандай чектөө жок.

Расмий билдирүүдө казак элчиси буга кандай жооп кайтарганы айтылган эмес.

Сүйлөшүү учурунда Казакстандын президенти Касым-Жомарт Токаев быйыл Кыргызстанга расмий сапар менен келери белгилүү болду.

Казак президенти Бишкекке качан келери так айтылган жок.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18