USD87.45EUR95.90RUB1.07
24.kg

Январь окуясын иликтөө комиссиясынын жетекчиси кыйноо көбөйгөнүн кабарлады

09:57, 08 февраля 2022, Бишкек - 24.kg

Январь окуясын иликтөө боюнча «Акыйкат» коомдук комиссиясынын төрайымы, адвокат Айман Омарова бул окуядан кийин кыйноо көбөйгөнүн айтууда.

Адвокат Tengrinews сайтына берген интервьюсунда: «Жөнөкөй күндөрдө мындай иш көп эмес, ошондуктан кыйноо кандай болору анча байкалбайт. Бул жолу жапырт болуп жатат», — деди.

Жакында казак бийлиги январда ашкере күч колдонуу, мыйзамсыз камоо, тергөө учурунда кыйноо колдонулган учурлар болгонун мойнуна алган.

4-февралда Казакстандын Башкы прокуратурасы тергөө учурундагы мыйзамсыз ыкмалар боюнча 148 арыз түшкөнүн кабарлаган. Кеминде 105 факты боюнча кылмыш иши козголгон.

Январь окуясына байланыштуу 10 миңдей адам кармалып, жүздөгөн киши камалган. Расмий маалымат боюнча 227 киши набыт болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18