USD87.45EUR95.90RUB1.07
24.kg

«Бишкек» эркин экономикалык аймагында алтынды кайра иштетип келишкен

11:19, 26 января 2022, Бишкек - 24.kg

«Бишкек» эркин экономикалык аймагында алтынды кайра иштетип келишкен. Бул тууралуу Башкы прокуратура билдирди.

Маалыматта Бажы кызматынын контрабандага каршы күрөшүү башкармалыгы менен бирге баалуу металлдарды камтыган кендерди кайра иштетүү боюнча мыйзамсыз ишкердик жүргүзүү фактылары аныкталганы айтылат.

Бажы кызматынын жана «Бишкек» эркин экономикалык аймагынын кызмат адамдарынын колдоосу менен уруксат берүүчү документтери жок жеке фирмалардын бири, уулуу заттарды колдонуу менен техникалык жана экологиялык коопсуздук талаптарын бузуп, курамында алтынды камтыган кендерден алтынды бөлүп алуу боюнча көп убакыттан бери мыйзамсыз аракеттерди жүргүзүп келгендиги тастыкталды.

Белгиленген факты боюнча Башкы прокуратура тарабынан Кылмыш-жаза кодексинин 336-беренеси («Коррупция») менен кылмыш иши козголуп, тергөө аракеттери жүргүзүлүүдө.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18