USD87.45EUR95.90RUB1.07
24.kg

Алматы полициясы «жоочулар көмүлгөн жер» табылганын билдирди

09:40, 21 января 2022, Бишкек - 24.kg

Алматы полициясы 20-январда «жапырт башаламандыктарга катышкан жоочулар жашыруун көмүлгөн жер» табылганын жарыялады.

Полиция департаментинин расмий өкүлү Салтанат Азирбектин билдиришинче, талоончулардын тек-жайын жашыруу үчүн аларды көмүскө түрдө көмүшкөн.

«Көрүстөн жайгашкан жер жана алардын саны тергөөнүн кызыкчылыгы үчүн айтылбайт», — деп белгиледи ал.

Казакстандык жана чет өлкөлүк укук коргоочулар бийликтен «Январь окуяларында» жабыркагандар жана өлгөндөр жөнүндө толук маалымат берүүнү талап кылып келет.

Расмий маалымат боюнча башаламандыктан өлгөндөрдүн саны 227 кишиге жетти. Бирок бул сан алда канча көп экени айтылууда.

Казак бийлиги өлкөдөгү жапырт башаламандыктардын артында «эл аралык тероорчулар тобу турганын» билдирген. Бирок буга кандайдыр бир далил келтирген эмес.

 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18