USD87.45EUR95.90RUB1.07
24.kg

Жогорку Кеңеш өкмөттүн экономикалык абал боюнча маалыматын угат

10:33, 19 января 2022, Бишкек - 24.kg

Парламент 19-январдагы жыйынында министрлер кабинетинин өлкөдөгү социалдык-экономикалык абал, жазгы-талаа жумуштарына карата даярдык жана коронавирустун жайылуусун болтурбоо боюнча көрүлүп жаткан чаралар жөнүндө маалыматын угат. Бул тууралуу Жогорку Кеңештин басма сөз кызматы билдирди.

Кыргызстанда соңку күндөрү коронавирус менен ооругандар көбөйдү. Алардын басымдуу бөлүгү Бишкек шаарынын тургундары. Буга байланыштуу борбор калаада 18-январдан тартып 10дон ашык мектеп жана бир бала бакча карантинге жабылды.

Саламаттык сактоо министрлиги өткөн аптада коронавирустун «омикрон» штаммы катталганын, өлкөдө COVID-19дун төртүнчү толкуну башталганын билдирген.

Парламенттин 90 депутаттан турган VII чакырылышы былтыр 29-декабрда ишин баштаган. Жогорку Кеңештин түзүмү спикер, анын үч орун басары жана сегиз комитеттен турат. Ушул жумадан тарта тармактык комитеттер иштей баштады.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18