USD87.45EUR95.90RUB1.07
24.kg

Сузактагы 9 жашар кыздын өлүмүнө шектүүгө психиатриялык экспертиза дайындалды

10:24, 24 декабря 2021, Бишкек - 24.kg

Сумая Хосилжанованын өлүмүнө шектүүгө соттук-психиатриялык экспертиза дайындалды. Бул тууралуу Жалал-Абад ОИИБисинин маалымат кызматы билдирди.

Белгилей кетсек, кылмышка шектелип Сузак районунун тургуну 1973-жылы туулган У.А. аттуу жаран кармалган. Милициянын маалыматында, ал күнөөсүн мойнуна алып, Сумаяны үйдүн жер төлөөсүндө кармаганын кабарлайт. 

Тергөөнүн жүрүшүндө У.А. аттуу жаран Жалал-Абад областтык ооруканасынын психоневрология бөлүмүндө жин оорусу менен стационардык тартипте дарылангандыгы аныкталды.

Ошондуктан Кыргыз Республикасынын ЖПКнын 186-бер. (Экспертиза жүргүзүү үчүн адамдарды медициналык мекемеге жаткыруу) негизинде У.А. аттуу жаранга карата 2021-жылдын 23-декабрында соттук-психиатриялык экспертиза дайындалып, аны ыкчам өткөрүү жагы Таш-Көмүр шаарына караштуу Кызыл-Жар-12 шаарчасында жайгашкан Республикалык психиатриялык ооруканасынын эксперттерине тапшырылды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18