USD87.45EUR95.90RUB1.07
24.kg

Чек ара кызматы: Кыргызстандан Ооганстанга күйүүчү май экспорттолгон жок

15:46, 16 декабря 2021, Бишкек - 24.kg

Мунай жана мунай зат продукциялары Кыргызстандын аймагынан чыгарылган жок. Бул тууралуу чек ара кызматы билдирди.

Чек ара кызматы Ооганстанга күйүүчү май экспорту жүрүп жатканын четке кагат.

Мекеме 2021-жылдын 16-декабрына карата өкмөттүн токтомуна ылайык, мамлекеттик чек аранын кыргыз-тажик тилкесиндеги көзөмөл-өткөрүү пункттары аркылуу, жарандарды, автоунааларды жана жүктөрдү өткөрүү убактылуу токтотулганын белгилейт.

2021-жылдын 1-мартындагы токтомуна ылайык, мунай жана мунай продуктуларын ЕАЭБдин чегинен тышкары экспорттоого дагы тыюу салынган.

Pajhwok басылмасы Ооганстанга Кыргызстандан мунай зат экспорттоло баштаганын жазып чыкты. Мунай зат Кундуз аймагындагы Шерхан-Бандар портуна келген.

Белгилей кетсек, апта башында тажик тарапка бара жаткан бензовоздордун видеосу интернетте жарыяланган. Чек ара кызматы аны четке каккан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18