USD87.45EUR95.90RUB1.07
24.kg

Өзбек министрлиги аялдарды асылуулардан коргоону сунуш кылды

09:20, 14 декабря 2021, Бишкек - 24.kg

Өзбекстандын Юстиция министрлиги кыз-келиндерди зомбулуктан коргоону күчөтүүнү сунуш кылды. Бул тууралуу Gazeta.uz сайты жазды. Атап айтканда, мекеме аялдарга асылуу жана интим сүрөттөр менен видеолорду таратуу үчүн жоопкерчиликке тартууну караштырууда.

Министрлик Өзбекстандагы кыз-келиндер көчөлөрдө, жумушта же окууда асылууга туш болсо, үйлөрүндө жакындарынын же күйөөлөрүнүн зомбулугунан жапа чегерин белгиледи.

Мыйзамда «кимдир бирөөнүн изине түшүү», «артынан түшүү» деген түшүнүк жок болгондуктан кыз-келиндерди коргоонун механизми дагы жок дейт аталган мекеме. Ал эми корголбой калган аялдар коркуу сезимине, депрессияга чалдыгышат.

Расмий маалыматтарга караганда, Өзбекстанда бүгүнкү күндө зордук-зомбулукка кабылган 36 миңге жакын аял коргоо ордерин алышкан. Бирок өлкөдө аялдарды реабилитациялоо жана адаптациялоо боюнча 29 гана борбор бар. Бул зордук-зомбулукка кабылган бардык аялдарды толук камтууга мүмкүндүк бербейт дейт министрлик.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18