USD87.45EUR95.90RUB1.07
24.kg

COVID-19га каршы 1 миллион 16 миң киши эмделди. Президент вакцина алууга чакырды

13:55, 10 ноября 2021, Бишкек - 24.kg
Президент Садыр Жапаров кыргызстандыктарды эмдөөдөн өтүүгө чакырды. Бул тууралуу ал өзүнүн Facebook тармагындагы баракчасына жазды.
 
Өлкө башчысы бүгүн COVID-19 46 адамдан аныкталып, үчөө каза болгонун белгилейт.
 
«Дагы бир жолу эмдөөдөн өтүүгө чакырам. Бүгүнкү күндө 1 миллион 16 миң жараныбыз эмдөөдөн өтүштү. Эмдөөнүн аркасында оору азая баштады», — дейт ал.
 
Саламаттыкты сактоо министрлигинин маалыматында, өткөн бир сутка ичинде эмдөөдөн 3 миң 794 адам өттү, анын ичинен 1 миң 580 биринчи дозаны, 2 миң 214 адам экинчи дозаны алган.
 
Жалпысынан 1 миллион 16 миң 696 адам биринчи дозаны, 790 миң 727 адам экинчи дозаны алды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18