USD87.45EUR95.90RUB1.07
24.kg

Айпери Медет кызы Дүйнө чемпионатында финалга чыкты

11:45, 04 ноября 2021, Бишкек - 24.kg

Кыргызстандык балбан кыз Айпери Медет кызы Сербиянын Белград шаарында өтүп жаткан күрөш боюнча 23 жашка чейинкилер арасындагы Дүйнө чемпионатынын финалында күрөшөт. Күрөш Дүйнөсү уюмунун расмий сайтындагы маалыматка таянсак, Медет кызы 3-ноябрда кыз-келиндер күрөшүнөн 76 килограмм салмакта жарым финалда америкалык Кайли Рении Валкерди 8:0 эсебинде жеңип алды. Эми алдыда 4-ноябрдан 5-ноябрга караган түнү алтын байге үчүн колумбиялык Татиана Рентериа менен беттешет.

Жарым финалга чейин Айпери Медет кызы эки беттеш өткөрдү. Алгач Эквадор өкүлү Генезис Росангалены (4:0), чейрек финалда индиялык Бипаша Бипашаны жеңип алган эле (4:0).

Бул дүйнө чемпионатында Кыргызстандан дагы бир балбан кыз Назира Марсбек кызы 57 килограмм салмакта күчүн сынайт.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18