USD87.45EUR95.90RUB1.07
24.kg

Сушиге уулангандардын саны 300дөн ашты

11:38, 28 октября 2021, Бишкек - 24.kg

«Империя пиццы» кафесинин тамагына ууланганын айтып, ооруканага кайрылгандардын саны 28-октябрга карата 318 адамга жетти. Бул тууралуу Саламаттык сактоо министрлиги билдирди.

28-октябрга карата кайрылгандар 300дөн аштыө жетти. Кырктан ашууну жаш балдар. Тамакка ууланып кайрылгандардын 70 чамалуусу ооруканада, анын ичинен 21и балдар.

Саламаттык сактоо министрлигинин басма сөз кызматы алардын абалы туруктуу деп бааланып жатканын кабарлады.

Уулангандар 23-октябрда «Империя пиццы» кафесинен тамак алып жегендер экени белгилүү болгон. Бишкек шаардык Санитардык-эпидемиологиялык көзөмөл кызматы иликтөө жүрүп жаткан учурунда кафени убактылуу жапты. Лабораториялык изилдөөлөрдүн жыйынтыгы чыга элек. Алдын ала жыйынтыктар 29-октябрда чыгары айтылды. Адамдардын жапырт уулануусунан кийин өлкөдөгү бардык коомдук тамактануучу жайлар текшерилери кабарланган.

Көзөмөл органдары мындай жайлар бизнес субъектиси болгондуктан текшерүү укугу чектелүү экенин айтып келишкен. 25-октябрда өкмөттүн 2018-жылы ишкердик субъектилерин текшерүүгө убактылуу салган тыюусу алынганы кабарланды.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18