USD87.45EUR95.90RUB1.07
24.kg

Түндүк Казакстан облусунда куш тумоосу жайылууда

09:42, 28 сентября 2021, Бишкек - 24.kg

Түндүк Казакстан облусунун Магжан Жумабаев районунда куш тумоосу жайылууда. Бир апта ичинде миңден ашык үй канаттуусу кырылган Лебяжье айылында карантин жарыяланды.

— «Куш тумоосу» диагнозу Ветеринария боюнча улуттук референт борборунда жүргүзүлгөн лабораториялык изилдөөнүн жыйынтыгында ырасталды. Эпизоотологиялык изилдөө — тумоо үй канаттууларына көлмөдөгү жапайы куштардан жукканы аныкталды, — деди облустук акимчиликтин Ветеринария башкармалыгынын башкы адиси Нариман Тасболатов.

Анын айтымында, вирустун бар-жоктугун текшерүү үчүн коңшу айылдардан да үлгүлөр алынып, лабораторияга жөнөтүлдү.

Түндүк Казакстан облусунун бийлиги куш тумоосунун алдын алуу үчүн быйыл 1,2 миллион доза вакцина сатып алган. Алардын 1,5 миңден ашыгы Лебяжье айылындагы канаттууларга сайылган.

2020-жылдын аягында жогорку патогендүү куш тумоосунан улам аймакта 1,5 миллиондон ашык куш кырылган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18