USD87.45EUR95.90RUB1.07
24.kg

АКШ Тажикстанга Pfizer вакцинасынан 115 миң доза берди

09:07, 21 сентября 2021, Бишкек - 24.kg

Кошмо Штаттар Тажикстанга COVID-19га каршы Pfizer вакцинасынан 115 миң доза берди. Вакцинанын биринчи партиясы Душанбеге 20-сентябрда АКШнын Эл аралык өнүгүү агенттиги (USAID) аркылуу жеткирилди. Бул тууралуу АКШнын Тажикстандагы элчилиги билдирди.

АКШнын Тажикстандагы элчиси Жон Марк Поммершайм жалпысынан Кошмо Штаттар Тажикстанга 2 миллион 100 миң доза вакцина бергенин белгиледи. АКШ бийлиги COVAX программасынын алкагында өлкөгө 1,5 миллион доза Moderna вакцинасын жолдогон. Бул Тажикстан калкынын 13 пайызын эмдөөгө жетет.

Мындан тышкары Иммунизация борборуна 258 литрлик сегиз ультра-муздаткыч камералары жеткирилген.

Тажикстан COVAX программасынын алкагына Дүйнөлүк саламаттык сактоо уюмунан 192 доза AstraZeneca вакцинасын алган. Июндун аягында Кытайдан CoronaVac вакцинасынан 300 миң доза жеткирилген. Августта Орусия Тажикстанга гуманитардык жардам иретинде «Спутник V» вакцинасынан 50 миң доза берген.

Тажикстан өткөн айда жашы 18ден жогору жарандар милдеттүү түрдө эмдөөдөн өтүшү керектигин жарыялаган. Ушул тапта вакцина алгандардын саны 2 миллиондон ашты.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18