USD87.45EUR95.90RUB1.07
24.kg

Садыр Жапаров: ЖККУ ага мүчө өлкөлөр бири-бирине кол салганда чара көрүшү керек

14:13, 16 сентября 2021, Бишкек - 24.kg

ЖККУ уюмга мүчө болгон мамлекет экинчи мүчө өлкөгө куралдуу кол салганда ыкчам чара көрүү жана чечим кабыл алуу механизмдерин иштеп чыгуу керек. Бул тууралуу президент Садыр Жапаров Душанбе шаарында өтүп жаткан жыйында билдирди.

Анын айтымында, президент Садыр Жапаров кыргыз тарап уюмдун эффективдүүлүгүн жана натыйжалуулугун камсыз кылуу максатында өнөктөштөр менен өз ара кызыкчылык жараткан бардык маселелер боюнча стратегиялык сүйлөшүүлөрдү улантуу ниети бар экенине бурду.

Белгилей кетсек, Тажикстан 28-30-апрелде Кыргызстандын Баткен облусуна куралдуу кол салган. Бирок кыргыз бийлиги аны аскердик агрессия катары жарыялаган эмес.

Ал окуядан кийин Садыр Жапаров Душанбеге расмий иш сапар менен барган. Бул экинчи иш сапары.

Жогорку Кеңештин бир катар депутаттары Тажикстандын кол салуусу боюнча маселе Жамааттык коопсуздук келишим уюмунда көтөрүлүшү керектигин белгилешкен.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18