USD87.45EUR95.90RUB1.07
24.kg

Садыр Жапаровдун уулу Рустам жетектеп жаткан партия белгилүү болду

15:46, 09 сентября 2021, Бишкек - 24.kg

Садыр Жапаровдун уулу Рустам «Эл үмүтү» партиясына талапкерлерди тартууда. Бул тууралуу депутат Дастан Бекешов «Азаттыкка» билдирди.

Анын айтымында, президенттин баласы «Эл үмүтү» партиясына талапкерлерди топтоодо.

«Мен президенттин баласы Рустам депутат болот деген жокмун. Ал депутат болбойт. Бирок саясий платформа түзүп, бейформал лидер болгусу келип жатканын билдиргем. Ар кандай кишилер менен жолугуп, «Эл үмүтү социал-саясий партиясына» кирүүнү сунуштап жатат. Мен бул сөздү бир-эки эмес, 15 чакты кишиден уктум. Бир күн мурун билдирип чыктым эле, бүгүн парламенттен депутаттар дагы бышыктап атышат. Болгону алар ачык айтып чыккандан коркушууда. Мен президентке жамандык каалабайм. Болгону алдын ала айтып жатам. Рустам атасына саясаттан эмес, башка жагынан жардам берсе болмок», — дейт ал.

«Эл үмүтү» партиясынын лидери Аскар Алмаз уулу. Ал Бишкек шаардык кеңешке шайлоо «Биздин эл» партиясы менен аттанган. 

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18