USD87.45EUR95.90RUB1.07
24.kg

Жаза аткаруу кызматынын төрага орун басары коррупцияга шектенүү менен кармалды

12:48, 03 августа 2021, Бишкек - 24.kg

Улуттук коопсуздук комитети (УКМК) Юстиция министрлигинин алдындагы Жаза аткаруу мамлекеттик кызматынын төрагасынын биринчи орун басары Таалайбек Нуралиевди кармады. Бул тууралуу атайын кызматтын басма сөз кызматы билдирди.

Ага ылайык, Нуралиев абактагыларды мөөнөтүнөн мурда бошотуу, соттолгондордун шарттарын жумшартууда туруктуу коррупциялык схема уюштурган. Ошондой эле, бөлүмдүн ортоңку жетекчилигинин мыйзамсыз аракеттерин жашырган.

2-августта Таалайбек Нуралиевдин иш бөлмөсүндө ыкчам издөө иш-чаралары жүргүзүлүп, анда 3500 доллар, 59 миң сом, уюлдук телефондор жана чакан калибрдүү куралдын октору алынган.

Жашаган жеринен ТТ үлгүсүндөгү тапанча жана жылмакай ок атуучу куралдар, ошондой эле, түзөтүү мекемелеринде соттолгондор жасаган нарда, сандык, бычак, кылыч, стол, отургуч түрүндөгү ар кандай буюмдар табылган.

Нуралиев УКМКнын убактылуу кармоочу жайына киргизилди.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18