USD87.45EUR95.90RUB1.07
24.kg

Тажик президентинин карындашы коронавирустан каза болгону кабарланды

09:32, 22 июля 2021, Бишкек - 24.kg

Тажикстандын президенти Эмомали Рахмондун бир тууган карындашы Курбонби Рахмонова 20-июлда Дүйшөмбүдөгү өкмөттүк ооруканада кайтыш болгону кабарланды.

Анын өлүмүнүн себептери расмий түрдө айтылган эмес. Президенттин карындашынын каза болгону тууралуу маалыматты «Озоди» радиосуна Дүйшөмбүдөгү жана Дангарадагы булактар ырасташты.

Дарыгерлердин бири жашыруун түрдө Курбонби Рахмонова COVID-19 диагнозу менен ооруканага түшүп, каза тапканын тастыктаган.

Анын өмүрү үчүн дарыгерлер он күн бою күрөшүп, бирок сактап калыша алган эмес.

Тажикстандын өкмөтү президент Рахмонго 64 жаштагы карындашынын кайтыш болгонуна байланыштуу көңүл айтты.

Курбонби Рахмонова Тажикстандын «Токой чарба жана мергенчилик» боюнча мамлекеттик ишканасынын жетекчиси Холмумин Сафаровдун аялы болчу.

Ал 2012-жылы өзүнүн Дүйшөмбүдөгү үйүнө жакын жерден Макаров тапанчасы менен атып өлтүрүлгөн. Буга шектүүлөрдүн кылмыш иши мамлекеттик сыр катары жашырылган.

5-июлда тажик президентинин кайын энеси Узбекби Асадуллоева дагы коронавирус илдетинен каза тапкан.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18