USD87.45EUR95.90RUB1.07
24.kg

Намангандагы селден сегиз киши каза болду

09:30, 14 июля 2021, Бишкек - 24.kg

Наманган облусунун Касансай районундагы селден сегиз киши каза болуп, алтоо жаракат алды. Бул тууралуу Өзбекстандын Өзгөчө кырдаалдар министрлиги кабарлады.

Маалыматка караганда, селге Кыргызстандын Жалал-Абад облусундагы нөшөр жаан себеп болгон.

13-июлда түштө Наманган облусундагы Обод маалесин аралап өткөн Касансай дарыясы нугунан чыгып, үйлөрдү суу каптаган.

Мекемеден кырсык болгон жерге жергиликтүү Өзгөчө кырдаалдар башкармалыгынын, Ички иштер башкармалыгынын жана прокуратуранын өкүлдөрү барганын, абал көзөмөлдө экенин билдиришти.

Учурда Өзгөчө кырдаалдар министрлигинин кызматкерлери издөө-куткаруу иштерин улантып жатышат.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18