USD87.45EUR95.90RUB1.07
24.kg

Парламенттин мурдакы депутаты Ширин Айтматова УКМКда сурак берди

14:21, 10 июня 2021, Бишкек - 24.kg

Парламенттин мурдакы депутаты Ширин Айтматова УКМКда сурак берди. Бул тууралуу 24.kg агенттигине өздүк булактар билдиришти.

Маалыматка караганда, Ширин Айтматова «Кумтөр» боюнча кылмыш иштин алкагында суралган. 

Эскерте кетсек, «Кумтөр иши» боюнча парламент депутаттары Асылбек Жээнбеков, Төрөбай Зулпукаров, мурдагы депутаттар Исхак Пирматов, Талант Узакбаев жана экс-премьер-министр Өмүрбек Бабанов да камалган. Бешөөнө тең Жазык кодексинин 319-беренесинин 2-бөлүмү, тагыраагы «Коррупция» менен айып тагылды.

«Кумтөр ишине» байланыштуу мурдагы өкмөт башчылар Игорь Чудинов, Темир Сариев, депутат Рыскелди Момбеков, мурдагы депутат Максат Сабиров жана башкалар да күбө катары көрсөтмө берип чыгышкан. Алар тергөөнүн купуялуулугу деп, сурактын чоо-жайын ачык айтыша элек.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18