USD87.45EUR95.90RUB1.07
24.kg

Казакстанда «Феминита» кыймылынын активисттери кармалды

09:29, 31 мая 2021, Бишкек - 24.kg

Казакстандын Чымкент шаарында «Феминита» кыймылынын активисттери Жанар Секербаева менен Гүлзада Сержан кармалды.

Аларга каршы «Бийлик өкүлдөрүнө акарат келтирүү» беренеси боюнча кылмыш иши козголду. Бул тууралуу укук коргоочу Татьяна Чернобиль билдирди.

Активисттер 29-майда калаадагы мейманканалардын биринде жергиликтүү жашоочулар менен ЛГБТ аялдардын укуктары тууралуу жолугушуу өткөрүшмөк. Бирок уюштуруучулар менен катышуучуларды имаратка киргизбей коюп, алар жакын жердеги кафеге барышкан. Ал жерге динчилдер жана полиция кызматкерлери топтолуп, Гүлзада менен Жанарга кол салып, бетке-башка койгулашкан.

Кийинчерээк Чымкент шаардык полиция департаментинин басма сөз кызматы активисттер Жанар Секербаева менен Гүлзада Сержан «алардын коопсуздугун камсыз кылуу үчүн» кармалганын билдирди.

Казакстанда «Бийлик өкүлдөрүнө акарат келтирүү» беренеси боюнча күнөөлүү деп табылгандар үчүн 20 сутка камакка алуу же 537 доллар өлчөмүндө айып пул төлөтүү жазалары каралган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18